Алайда құқықбұзушылық жасамақ болған азамат белгісіз бағытқа қашып кеткен.
Елорда тұрғыны қара полиэтилен пакетіне оралған белгісіз заттарды түрме аумағына лақтыру үшін арнайы дайындап әкелген. Мекеме қызметкерлерінің көзінен түсіп қалған азаматтар, ойластырған істерін орындай алмастан, қолындағы тыйым салынған заттарды тастай сала белгісіз бағытта қашып кеткен.
"Оқиға орнына Аршалы ауданының полиция бөлімшесінің жедел тергеу тобы шақырылып, құқықбұзушылық жасауға тырысқан азаматтардың тастап кеткен заттары тәркіленді. Оның ішінен ұялы телефондар, төрт дана Air Pods құлақаптары және бірнеше дана сим карталар табылған. Бұл дерек бойынша тексеру амалдары жүргізілуде."Астана қаласы бойынша ҚАЖД баспасөз қызметі.
Сурет: Астана қаласы бойынша ҚАЖД баспасөз қызметі