Депутаттық сауалды жариялаған сенатор қазір елімізде көшелерге атау беру мен кейбір елді мекендердің атын өзгертудің белгілі бір тұжырымдамасы жоқ екенін айтты. Оны, депутаттың айтуынша, кеңестік партия қызметкерлерінің ұрпақтары пайдаланады.
"Кеңес партия қызметкерлерінің беделді, ауқатты балалары көшеге әке-шешесінің атын беруді өтініп, жергілікті әкімдіктерге, ономастикалық комиссияларға, жергілікті мәслихаттарға жүгініп, әр түрлі әрекетке баратын жағдайларды көріп отырмыз. Бұл құрметке лайық па? Ал балалары мен бай мұрагерлері мүлде қалмаған адамдарды не істейміз?" Мұрат Бақтиярұлы
Дегенмен, ол мұндай жағдайлардың жиі кездесетінін атап өтті.
"Қазір кеңестік кезеңде аудан, облыстарды басқарған бұрынғы коммунистік партиялардың бірінші хатшыларының, кеңес төрағаларының есімдерін, кеңшар директорларының есімдерін өзгерту фактілері жиілеп барады. Әрине, біз хатшылардың сіңірген еңбегін жоққа шығармаймыз және олардың жетістігін жоққа шығарудан алыспыз, бірақ Кеңес Одағының 75 жылдық кезеңіндегі барлық партия хатшыларының, кеңес төрағаларының атын көшелерге берсек, онда Қазақстанда қалалар мен көшелер жеткіліксіз болады", -деді Мұрат Бақтиярұлы.
Осы орайда депутат үкімет мемлекеттік ономастикалық саясатты қайта қарап, бүгінгі күн талабына сай пысықтауы керек деп есептейді.
2022 жылдың желтоқсан айының соңында Астана көшелерінің біріне адамдарды құтқарып, өртті сөндіру кезінде ерлікпен қаза тапқан Асқар Забикулиннің есімі берілетіні белгілі болды.
