«Жолаушылар тасымалы» АҚ хабарлауынша, пайдаланылмаған билеттерді қайтару және пойыздың кешігуі үшін өтемақы төлеу Қазақстан Республикасының темір жол көлігімен жолаушыларды, багажды, жүк-багажды және поштаны тасымалдау ережелеріне сәйкес жүзеге асырылады.
Пойыз кешіккенде:
- 1 сағат кешігумен келе жатқан пойыз жолаушылары жүруден бас тартқан жағдайда жол ақысы толық қайтарылады. Бірақ жолаушылар билетте көрсетілген станциядан жөнелтілгенге дейін ескерту қажет.
- Жолда жүруді тоқтатқан кезде жолаушыларға өтпеген қашықтық үшін жолақы төленеді.
- Ұлттық тасымалдаушының жолаушылар пойыздарының кешігуі үшін жолаушыларға кешіктірілген әрбір сағат үшін 3% мөлшерінде, бірақ жол жүру ақысынан аспайтын өтемақы төленеді.
- Өтемақыны «Жолаушылар тасымалы» АҚ билет кассаларынан алуға болады.
- Жеке тасымалдаушының жолаушылар пойызымен сапарға шыққан жолаушылар өтемақы алу үшін жеке тасымалдаушының әкімшілігіне жүгінуі қажет.
Жолаушылар пойызын ауыстыру кезінде:
- Ауыстырылған жолаушылар пойызында/төменгі санаттағы вагонда өткен жолаушыларға жол ақысының айырмашылығы төленеді, жоғары санаттағы жолаушылардан қосымша ақы алынбайды.
- Ауыстырылған пойызда/вагонда жүруден бас тартқан жолаушыларға жол ақысы толық қайтарылады.
2022 жылғы 8 желтоқсанда Қазақстан Республикасының Индустрия және инфрақұрылымдық даму министрі Қайырбек Өскенбаев Сенат отырысында Қазақстандағы «Тальго» пойызының рейстерінің тоқтатылуын түсіндірді.