Құзырлы ведомства атап өткендей, 2023 жылдың 18 қаңтарындағы жағдай бойынша елімізде 7 саяси партия тіркелген:
1. "Amanat" партиясы;
2. "Ақ Жол" Қазақстанның демократиялық партиясы;
3. Қазақстан Халық партиясы;
4. "Ауыл" халықтық-демократиялық патриоттық партиясы;
5. "Жалпыұлттық социал-демократиялық партия";
6. "Қазақстанның "Байтақ" жасылдар партиясы;
7. "Respublica" партиясы" қоғамдық бірлестігі.
Айта кетсек, бүгін Қазақстанда Respublica партиясы тіркеуге алынғаны хабарланған болатын.
Мәжілістің Заңнама және сот-құқықтық реформа комитетінің төрағасы Арман Қожахметов қаңтар айында Парламентті тарату мүмкін екенін растады. Оның айтуынша, бұған депутаттардың өзі бастамашы болуы мүмкін. Өз-өзін тарату туралы мәлімдеме жасалған соң келесі сайлаудың мерзімі жарияланады. Ол заң бойынша Мәжіліс тарағаннан кейін екі айдан соң өтуі керек.
