Меморандум халықаралық шарт болып саналады және ШЫҰ-ға мүше мемлекет мәртебесін алу мақсатында Беларусь Республикасы қабылдаған міндеттемелерді қамтиды.
Беларусь Республикасы Хартияның мақсаттары мен қағидаттарын, Шарттың ережелерін, сондай-ақ ШЫҰ шеңберінде қабылданған халықаралық шарттар мен құжаттарды сақтауға міндеттенеді.
Беларусь Республикасы осы Меморандумға ШЫҰ шеңберіндегі халықаралық шарттарға 2024 жылғы 15 қаңтарға дейінгі мерзімде қосылуға міндеттенеді.
Беларусь Республикасының ШЫҰ бюджетіне үлестік жарнасы 5,8 пайыз болады.
Құжат 3 сәуірге дейін талқылау үшін Ашық НҚА сайтында жарияланған.
Шанхай ынтымақтастық ұйымына мүше елдер – Қазақстан, Қытай, Қырғызстан, Ресей, Тәжікстан, Өзбекстан, Пәкістан, Үндістан, Иран. Беларусь Ауғанстан мен Моңғолия сияқты ШЫҰ жанындағы бақылаушы ел мәртебесінде. ШЫҰ диалогы бойынша әріптестер: Әзірбайжан, Түркия, Шри-Ланка, Камбоджа, Непал, Армения, Египет, Катар, Сауд Арабиясы.