Қасым-Жомарт Тоқаев былтыр тамыз айында Бакуге сапармен барғанын, сол жолғы сапары аса нәтижелі болғанын және ол екіжақты қатынастарға тың серпін бергенін атап өтті.
"Қазір президенттердің екі ел үкіметіне берген тапсырмаларының орындалу барысын пысықтау қажеттігі туды. Әзербайжан мен Қазақстан – бауырлас әрі достас мемлекеттер. Біздің тарапымыздан сауда-экономика және инвестиция салаларындағы жан-жақты ынтымақтастықты, сондай-ақ екіжақты форматтағы және халықаралық ұйымдар аясындағы саяси қарым-қатынасты дамыту үшін барлық мүмкіндік жасалып жатыр", – деді Қазақстан Президенті.
Сондай-ақ ол Кавказ аймағында жетекші рөл атқаратын Әзербайжан мемлекетімен экономикалық қатынастар мен ынтымақтастықты дамыту үшін ауқымды жұмыс жүргізуді көзделіп отырғаны айтты.
"Біздің арамызда ешқандай мәселе жоқ. Тек қана осы бағытта алға ілгерілеуге деген ниет қана бар", – деді Қасым-Жомарт Тоқаев.
