Мемлекет басшысы өз сөзінде біздің паспорт адамға этникалық тегіне, діни көзқарасына, әлеуметтік жағдайына қарамастан Қазақстан Республикасының азаматы ретінде құқықтар мен міндеттердің бәрін беретінін айтты.
"Біздің паспортқа ие болу – халықаралық аренада беделді елдің азаматы болу, барлық елдерге еркін бару және өзін заманауи әлемнің ажырамас бөлігі ретінде сезіну деген сөз. Бұл әрдайым және барлық жерде мемлекетің қорғайды дегенді білдіреді. Біздің көк паспортымыз бен көк байрағымыз – тарихымызбен астасқан және миллиондаған адамның жүрегінен орын алған бірегейлігіміздің нағыз символы".Қасым-Жомарт Тоқаев
Мемлекет басшысының сөзінше, Қазақстанның паспорты біздің бірлігіміз бен келісіміміз негізге алатын озық құндылықтарды қамтиды.
Сондай-ақ Президент "Қазақстанның көк байрағы – қасиетті Тәуелсіздігімізді, сан ғасырлық мемлекеттігіміздің айқын белгісі" екенін айтты.
