Аталған сессия барысында Азаптауларға және басқа да қатыгез, адамгершілікке жатпайтын немесе ар-намысты қорлайтын іс-әрекеттер мен жазалау түрлеріне қарсы конвенцияның орындалуы туралы Қазақстанның Төртінші мерзімді баяндамасы қорғалады, делінген ҚР СІМ баспасөз қызметінің хабарламасында.
Аталған конвенция шеңберіндегі міндеттемелерге сәйкес, барлық қатысушы мемлекеттер өз мерзімді баяндамаларын ұсынады, содан кейін Біріккен Ұлттар Ұйымының Комитетінде қорғайды.
Қорғаудан кейін аталған комитет қорытынды ескертулерін жариялайды, олардың негізінде Қазақстан Республикасының мемлекеттік органдары келесі есепті дайындайды.
