Мемлекет басшыс ең алдымен, ДСҰ ережелері мен нормаларын басшылыққа алатынымызды, сондай-ақ халықаралық нарықта қабылданған барлық ережені сақтайтынымзы атап өтті.
"Ал екі мақсатта қолданылатын тауарлардың Ресейге экспорты туралы айтар болсақ, бұл мүлдем шындыққа жанаспайды. Өйткені, жаңа ғана айтқанымдай, біз ДСҰ ережесін және Еуропалық Одақ жариялаған барлық санкция талаптарын сақтаймыз. Әйтсе де, Ресеймен сауда-саттық жасаймыз", – деді Қасым-Жомарт Тоқаев.
Оның сөзінше, былтыр екі ел арасындағы тауар айналымының көлемі 28 миллиард долларға жетті.
"Бұл қолданыстағы халықаралық стандарттарға толық сай келеді", – деп сөзін түйіндеді Қазақстан президенті.
2023 жылғы 20 маусым күні Германия Федералды президентімен кездесуі барысында мемлекет басшысы Қасым-Жомарт Тоқаев Қазақстанның Украинадағы жағдайға қатысты ұстанымын тағы да айқындап берді.