Әкім Алматының Бостандық ауданында құрылыс қарқынды жүріп жатқанын және бұл инженерлік желілерге үлкен жүктеме түсіргенін баса айтты. Олар орта есеппен 60% тозған. Осы мәселені шешу үшін Бостандық ауданында 1,6 шақырым жылу желілері жаңартылып жатыр. 1 қыркүйекке дейін Ерғожин, Ганди, Ғабдуллин, Могилевский, Сәтбаев көшелерінде, Орбита-4 шағын ауданында жұмысты аяқтау жоспарланып отыр.
"Биыл Ганди, Гагарин және Есқараев көшелерінің бойымен "Орбита" және "Южная" қазандықтарын жалғайтын ұзындығы 900 метр жылу магистралінің құрылысы басталды. Бұл учаске қыркүйек айында пайдалануға беріледі", - деді Ерболат Досаев.
Алматы әкімдігі 2024 жылы Қожанов және Радостовец көшелерінің бойында жылу желілерін жаңарту жалғасатынын айтты (жөндеу 2024 жылдың қыркүйегінде аяқталады). 2023 жылдың қыркүйегінде "Южная" қазандығын қалпына келтіру аяқталып, оның өнімділігі 190 Гкал/сағ болады.
