Ол үшін мына шаралар қабылданады:
- 22 шілде сағат 23:00-ден 24 шілде сағат 07:00-ге дейін даңғылдың солтүстік жағымен көлік қозғалысын толық жауып, полимерлі асфальтбетон жабындысы төселеді;
- 23 шілдеде сағат 07:00-ден 24 шілде сағат 00:00-ге дейін әл-Фараби даңғылының оңтүстік жағымен Шығыс айналма жолынан (Жарбұлақ өзені арқылы өтетін көпірдің жанында) Марков көшесіне дейін кері қозғалыспен көліктерді шығару ұйымдастырылады. Әл-Фараби даңғылының бойындағы батыс және шығыс бағыттағы еркін қозғалыс жолақтарының саны жол қозғалысы жағдайын патрульдік полиция қызметі реттейді;
- 24 шілдеде түнгі сағат 00:00-ден 07:00-ге дейін жол-көлік оқиғаларының алдын алу үшін әл-Фараби даңғылы бойымен батыс бағытта (Шығыс айналма жолы) көлік қозғалысы толығымен жабылады.
- 22 шілдеде сағат 23:00-ден 24 шілдеде сағат 7:00-ге дейін Достық даңғылынан, Назарбаев даңғылы, Меңдіқұлов желекжолы және әл-Фараби даңғылындағы Батыс Желтоқсанға батыс бағытта шектеу қойылады. Қозғалыс Достық даңғылы, Сәтбаев және Сейфуллин көшелерімен жүзеге асады. Блоктау кезеңінде Шығыс айналма жолынан Достық даңғылына шығатын жолдағы қозғалыс (батысқа қарай жылжу кезінде) қалыпты режимде жүзеге асырылады.
Жол қозғалысына қатысушылардың қауіпсіздігін қамтамасыз ету үшін осы учаскеде алты патрульдік полиция бригадасы кезекшілік ететіні атап өтілді. Сонымен қатар 40 км/сағ жылдамдықты шектеу белгілері орнатылады. Жолақтарға бөлу конустық шағылыстыратын чиптермен көрсетіледі. Бұл ретте кері қозғалыс басталғанға дейін екі жағынан көлік ағынын ажырататын металл турникеттер қойылады.