Әкімнің айтуынша, Абай даңғылының Строительная көшесінен қала шекарасына дейінгі ұзындығы 600 метрді тесу аясында қазір жобалық-сметалық құжаттамалар реттеліп жатыр. Жыл соңына дейін мемлекеттік сараптаманың қорытындысын алу жоспарланып отыр. Жол қозғалысы 2024 жылдың қыркүйегінде ашылады деп жоспарланған.
"Төле би көшесін кесу аясында Алатау даңғылы мен Алтын Орда көшесі (бұрынғы Карерная көшесі) арасындағы ұзындығы 700 метр жолдың құрылысы басталды. Биыл желтоқсан айына дейін аяқталады", - деді Ерболат Досаев.
Ол Жұбанов көшесін Момышұлынан қала шекарасына дейін тесуге мердігерді анықтау үшін конкурс рәсімдері өтіп жатқанын айтты. Жер сатып алынған бойда жұмыс басталады. 2025 жылдың соңына дейін аяқтау жоспарланған.
Бұған дейін Алматыда Қарғалы өзенінің жағалауы абаттандырылатыны белгілі болды.
