Оның айтуынша, Қазақстанда құмар ойындарға тәуелділікті емдеу хаттамасы сынақтан өткен.
"Лудомания хаттамаға сәйкес, психикалық бұзылыс ретінде, психопатияның бір түрі ретінде емделеді. Мамандар хаттаманы әзірледі. Ол біздің медицина ұйымдарында мақұлданған. Оны бірнеше күннен кейін бірлескен сапа комиссиясы бекітеді."Ажар Ғиният
Жекеменшік медицина орталықтарындағы ойынға тәуелділікті емдеуге келсек, Денсаулық сақтау министрінің айтуынша, мұндай ұйымдар тек медицина лицензиясы бойынша емдеуі керек. Ал егер орталық лицензияланған болса, онда ұйымның тиісті жабдықтары мен дайындалған мамандары бар. Олар да барлық заңнамалық актіні, соның ішінде медицина хаттамаларын орындауға міндетті.
Шамалап есептегенде, Қазақстанда 36 мыңға жуық адам құмар ойынына тәуелді болуы мүмкін деген ақпарат бар.