Ол президенттің барлық оқушыны тамақтандыруды тапсырғанын еске салды. Бүгінде бұл мәселе ерекше өзекті болып отыр.
"Бүгінде 1,5 миллион баламыз (азық-түлікпен. – Редакцияның ескертпесі) қамтамасыз етілген. Бірақ қазір сайлаушылар тарапынан бұл мәселеге қатысты сын көп... Бүгінде 800 мектепте асхана мүлдем жоқ, 330 мектепте буфет ұйымдастырылған. Ал 288 мектепке тамақ қоғамдық тамақтану орындарынан жеткізіледі. Бізге осындай мәлімет берілді. Сұрақ: тамақ сапасын кім қадағалайды? Төтенше жағдай болса, кім жауап береді? Мектепке асхана салу жоспарда бар ма? Енді бүгінгі бағаны білесіздер. Баға әртүрлі, үлкен айырмашылық бар. Осы мәселені реттеу үшін не істеп жатырсыздар?"Жұлдыз Сүлейменова
Депутат сонымен қатар мектептегі тамақтың сапасына қатысты өз ұстанымын білдіруді өтінді. Ал Оқу-ағарту министрі Ғани Бейсембаев 2023 жылға дейін 1-4 сынып оқушылары тегін тамақтандырылғанын айтты.
"Бүгінде азық-түлік өнімдерінің сапасын арттыру мәселесі бойынша бұйрықтар қабылданды. Бұл бұйрықтарға өзгерістер енгізілді. Екі бұйрықта көрсетілген барлық талапты орындау мақсатында қазір мониторинг жүргізіліп, тиісті шаралар қабылданып жатыр. Тексеріліп жатыр. Нәтижесі бойынша тиісті шаралар қабылданады. Біздің мәлімет бойынша 591 мектепте асхана жоқ. Балаларды буфеттер арқылы ыстық тамақпен қамтамасыз ету үшін бұл жұмыс ұйымдастырылды, яғни тиісті стандарттар Денсаулық сақтау министрлігінің бұйрығына енгізілген. Жаңа мектептерге асхананы бірден салу мәселесіне келсек, стандарттар өңірлерге жеткізіліп, тиісті жұмыстар жүргізіліп жатыр. Енді мәселе шағын жинақталған мектептерге қатысты. Себебі ондағы студенттер саны аз. Осыған байланысты жағдайды зерделеп, нәтижесі бойынша тиісті шаралар қабылдаймыз".Ғани Бейсембаев
Оқу-ағарту министрінің айтуынша, қазір ең жоғары баға Алматыда – 840 теңге, Ақмола облысында – 750 теңге. Ең төменгі баға – 480 теңге, Қарағанды облысында. Республика бойынша орташа баға – 579 теңге.
"Бүгінде заңнамаға сәйкес, тегін тамақ пен сусын беру тек мемлекеттік мектептерде ғана, сонымен қатар мемлекеттік тапсырыс бар мектептерде қамтамасыз етіледі. Осы заң жобасы қабылданғанда мәселе шешіледі".Ғани Бейсембаев
