Түркі мемлекеттері ұйымының 10-саммиті аясында қандай құжаттарға қол қойылды

Түркі мемлекеттері ұйымының 10-саммиті аясында 12 құжатқа қол қойылды, деп хабарлайды Zakon.kz.

Түркі мемлекеттері ұйымының 10-шы саммиті аясында қол қойылған құжаттар тізімі:

1. Астана Актісі;
2. Түркі мемлекеттері ұйымы 10-шы саммитінің декларациясы;
3. Өзбекстан Президенті Шавкат Мирзиёевті "Түркі әлемінің ең жоғарғы орденімен" марапаттау туралы мемлекеттер басшыларының шешімі;
4. Түркі әлемінің қаржы орталықтары мәртебесін беру туралы мемлекеттер басшыларының шешімі;
5. Түркі ынтымақтастығы ұйымдарының жаңа туларын қабылдау туралы шешім;
6. Тағайындаулар туралы мемлекеттер басшыларының шешімі;
7. Экономикалық ынтымақтастық ұйымына Түркі мемлекеттері ұйымының байқаушы мәртебесін беру туралы шешім;
8. 6 ақпан – Табиғи апаттар құрбандарын еске алу және Түркі мемлекеттері ұйымының ынтымақтастығы күні деп бекіту туралы шешім;
9. Түркі мемлекеттері ұйымы Хатшылығының бюджетін басқару ережесі туралы шешім;
10. "Түркі мемлекеттері ұйымы Тұрақты өкілдері жөніндегі ережені" әзірлеу туралы шешім;
11. Түркі мемлекеттері ұйымына мүше мемлекеттердің тиісті мекемелері арасындағы метрология саласындағы ынтымақтастық туралы хаттама;
12. Түркі мемлекеттері ұйымының 2023-2027 жылдарға арналған көлік байланысы бағдарламасын іске асыру жөніндегі бірлескен іс-шаралар жоспары (жол картасы).

3 қарашада Астанада өткен Түркі мемлекеттері ұйымының (ТМҰ) саммитінде Президент Қасым-Жомарт Тоқаев Қазақстан ұйымға ресми түрде төрағалық ететінін мәлімдеді.

Бұған қоса мемлекет басшысы Түркі мемлекеттері ұйымының 10-саммитінде жасаған баяндамасында Қазақстан ұйымға төрағалық ету кезеңінде ең басты сегіз мәселеге басымдық беретінін айтты.