Оның айуынша, Отанға 127 адам оралған.
"Газа секторында едәуір қазақстандық өмір сүретінін назарға ала отырып, СІМ Қазақстанның мемлекеттік органдарымен бірлесіп, азаматтардың құқықтары мен бостандықтарын қорғау мақсатында әскери іс-қимыл жүріп жатқан аумақтан 127 адамды, оның ішінде олардың отбасы мүшелерін өз Отанына эвакуациялау үшін рейстер ұйымдастырды", – деді Нұртілеу.
Оның айтуынша, Газа секторында бір қазақстандық және палестиналық болып табылатын оның отбасының 10 мүшесі қалды. Олар эвакуациядан өз еркімен бас тартқан.
"Министрлік пен шет елдердегі мекемелер жағдайды бақылауда ұстап отыр. Егер қазақстандықтардан өтініштер келіп түсіп жатса, олар эвакуациялау жұмысын жүргізуге дайын. Сондай-ақ, Газа секторындағы гуманитарлық жағдайдың нашарлауына байланысты Президент Қасым-Жомарт Тоқаевтың тапсырмасы бойынша Қазақстан атынан Газа секторы халқына 1 миллион АҚШ доллары және 38 тонна гуманитарлық жүк түрінде гуманитарлық көмек жолданғанын еске сала кеткім келеді. Бұл азық-түлік, төсек-орын жабдықтары, дәрі-дәрмектер мен медициналық бұйымдар және т.б.", - деп атап өтті СІМ басшысы.
Нұртілеу елімізге отандастарымызды сәтті жеткізу және гуманитарлық жүктерді жөнелту Қазақстанның мемлекеттік органдары мен шет елдердегі мекемелердің бірлескен жұмысының нәтижесі екенін баса атап өтті.
Айта кетсек, 17 қарашада Қазақстан билігінің алғашқы эвакуациялық борты 99 азаматты, оның ішінде 59 ҚР азаматын және 40 шетелдікті отбасыларымен бірге Отанға сәтті жеткізді. Екінші рейс 11 желтоқсанда Мысырдан Астанаға оралды, ол кезде бортта 28 адам болды, оның ішінде 8 ҚР азаматы және олардың отбасы мүшелері болып табылатын 20 палестиналық бар.