"Мемлекет басшысы Қасым-Жомарт Тоқаев пен Өзбекстан Президенті Шавкат Мирзиёев 5 сәуір күні Хиуа қаласында бейресми кездесу өткізеді. Кездесу барысында мемлекеттер басшылары екіжақты байланыстардың ауқымды мәселелерін, сондай-ақ өңірлік күн тәртібін талқылайды деп жоспарланып отыр", делінген Ақорданың баспасөз қызметінің хабарламасында.
Айта кетсек, 4 сәуірде Мемлекет басшысы Қасым-Жомарт Тоқаев жол апатынан өзбекстандық сегіз азаматтың қаза табуына байланысты Өзбекстан Президенті Шавкат Мирзиёевке көңіл айтты.