Энергетика министрлігі "Ресейге арналған мұнай қоры" туралы ақпаратты жоққа шығарды

Reuters басылымы үш дереккөзге сілтеме жасай отырып, Ресей Қазақстаннан 100 мың тонна бензиннен тұратын апаттық жағдайға арналған қор құруды сұрағаны туралы мақала жариялады. ҚР Энергетика министрлігінің баспасөз қызметі аталған жағдайға қатысты түсініктеме берді, деп хабарлайды Zakon.kz.

Reuters басылымы жариялаған мақалада Ресейдің аталған қорды пайдалану туралы келісімді мақұлдап қойғаны да айтылады.

Қазақстан Энергетика министрінің кеңесшісі Шыңғыс Ілиясов 2024 жылы 8 сәуірде РФ Энергетика министрлігі тарапынан мұндай өтініш түспегенін нақтылады.

"Ақпаратты растамаймыз", - деді Ілиясов.