Ақорданың мәліметінше, Бақтықожа Ізмұхамбетов "Ардагерлер ұйымы" республикалық қоғамдық бірлестігінің атқарып жатқан жұмыстары жөнінде мәлімет берді.
"Қазір 2 жоба жүзеге асырылып жатыр. Атап айтқанда, "Дәнекер" бастамасы қолға алынған. Оның нәтижесінде соңғы 4 жылда 6896 даудың 4563-інде тараптар істі сотқа жеткізбей келісімге келді",-делінген есепте.
Бұдан өзге келесі атқарылған жұмыстарға тоқталып өтті.
- Мұқтаж азаматтарға әлеуметтік қолдау көрсетуге бағытталған "Іскерлік және жанашырлық" жобасы қазір Атырау, Солтүстік Қазақстан және Қызылорда облыстарында іске асырылуда;
- Ардагерлердің "Қоғамдық бақылау туралы" Заңды жүзеге асыруға белсенді атсалысып жатқаны жөнінде баяндады. Олар су тасқынымен күрес кезінде халықты сабырға шақырып, түсіндіру жұмыстарын жүргізген;
- Мұнай-газ, ауыл шаруашылығы салаларына, өңірлерде азық-түлік бағасын тұрақтандыруға және дін мәселесіне қатысты ұсыныстар берді.
Сондай-ақ, мемлекет басшысы бүгін, 30 мамырда Хорватия Республикасының Президентіне құттықтау жеделхатын жолдады.
