Қасым-Жомарт Тоқаев Олимпиада ойындарының ашылу салтанатына қатысады ма

Қазақстан Президенті Қасым-Жомарт Тоқаев Парижде өтетін Олимпиада ойындарына бармайды. Бұл туралы 2024 жылы 24 шілдеде Мемлекет басшысының кеңесшісі және баспасөз хатшысы Берік Уәли айтты, деп хабарлайды Zakon.kz.

Берік Уәли Президент кестесінде мұндай сапар қарастырылмағанын нақтылады.

"Президент Қасым-Жомарт Тоқаевтың жұмыс кестесінде Париждегі Олимпиада ойындарының ашылу салтанатына қатысу қарастырылмаған". Берік Уәли

Бір күн бұрын Президенттің 2024 жылдың 23-26 шілде аралығында демалыста болатыны белгілі болды. Париждегі жазғы Олимпиада ойындары 26 шілде мен 11 тамыз аралығында өтеді.