Келісім теміржол, теңіз және автомобиль көлігі саласындағы ынтымақтастықты кеңейту құралы болып табылады. Қосарлы және әскери мақсаттағы өнімге жататын тауарларды тасымалдауға қолданылмайды.
Келісімнің мақсаты-тараптар арасындағы келесі салалардағы ынтымақтастықты жетілдіру:
- үкіметаралық диалогты дамытуға жәрдемдесу;
- қолайлы тарифтік жағдайлар жасау, инфрақұрылымды дамытуды үндестіру, алдын ала және өзге де ақпаратпен алмасу үшін цифрлық шешімдерді енгізу жөнінде бірлескен шаралар қабылдауды қоса алғанда, Қазақстан Республикасы мен Түрікменстан аумақтары бойынша тасымалдау көлемін тарту, Тараптар көлік және логистика жөніндегі қолданыстағы жұмыс тобы шеңберінде жұмысты жалғастыруға шешім қабылдады;
- жүктерді тиімді және қауіпсіз тасымалдауды қамтамасыз ету мақсатында теміржол, теңіз және автомобиль көлігі саласындағы ынтымақтастықты белгілеу және дамыту;
- "Солтүстік-Оңтүстік" халықаралық көлік дәлізін, Қытай-Қазақстан-Түрікменстан-Иран бағыты бойынша контейнерлік тасымалдарды қоса алғанда, Қытай-Иран және Қытай-Түркия бағыттарын дамыту бойынша жұмысты жалғастыру;
- "Солтүстік-Оңтүстік" халықаралық көлік дәлізінің шығыс бағытындағы Бірыңғай логистикалық оператор" жобасын іске асыру;
- Тараптардың экспорттаушылары үшін жеңілдікті теміржол транзиттік тарифтерін, оның ішінде Тараптардың аумақтары бойынша Серахс, Ақяйла, Серхетабат, Имамназар бағытына транзитпен белгілеу, Ауғанстан мен Иранға экспорт пен транзит үшін тең, кедергісіз жағдайлар жасау;
- Тараптардың қолда бар теңіз порттарын тиімді басқаруды және дамытуды қамтамасыз ету мақсатында Тараптардың теңіз саласындағы өзара тиімді ынтымақтастығын одан әрі дамыту және тереңдету;
- теміржол және теңіз инфрақұрылымын дамытуға, техникалық үйлесімділікке, Болашақ-Ақтау, Серхетяк-Берекет шекаралық өткелдері мен іргелес учаскелерінің дамуын үндестіруге, сондай-ақ осы саладағы бірлескен жобаларға жәрдемдесу.
Көлік министрлігінде түсіндірілгендей, құжатты қабылдау елдер арасындағы көлік, транзит және логистика саласындағы стратегиялық ынтымақтастықты тереңдетуге мүмкіндік береді.
Құжат 27 қыркүйекке дейін жария талқылау үшін "Ашық НҚА" сайтында орналастырылған.