Қазақстан Республикасы Президентінің баспасөз қызметінің мәліметінше, Қасым-Жомарт Тоқаев пен Феликс Чисекеди бір-біріне делегация мүшелерін таныстырды.
Одан кейін Құрмет қарауылы ротасының бастығы рапорт берді. Сондай-ақ Қазақстан мен КДР-дың мемлекеттік гимндері орындалды.
Еске салайық, 2025 жылғы 6 қыркүйекте Қасым-Жомарт Тоқаевтың шақыруымен Конго Демократиялық Республикасының президенті Феликс Чисекеди 9-10 қыркүйекте Қазақстанға мемлекеттік сапармен келетіні хабарланған еді.
Сапар аясында екіжақты ынтымақтастықты дамытудың перспективалары талқыланатын жоғары деңгейдегі келіссөздер жоспарланған.