Мемлекет басшысының айтуынша, Қазақстан Иран нарығына астық пен дәнді-дақыл өнімдерін тұрақты түрде жеткізіп келеді.
"Былтыр Иранға 500 мың тоннадан астам арпа экспорттадық. Бұл көлемді бірнеше есе арттыруға толық мүмкіндігіміз бар. Бұл мәселені Иран Президентімен жан-жақты талқыладық", – деді Қасым-Жомарт Тоқаев.
Оның айтуынша, Қазақстан ауыл шаруашылығын цифрландыруға, өңдеу өнеркәсібін дамытуға, сондай-ақ су ресурстарын тиімді пайдалануға ерекше көңіл бөліп отыр. Осы бағыттар бойынша тараптар тәжірибе алмасуға келісті.
Келіссөздер барысында ақпараттық технологиялар саласындағы ынтымақтастық та талқыланды. Екі ел инновациялық ІТ шешімдерді енгізу және ғылыми-зерттеу жұмыстарын бірлесіп дамытуға ниет білдірді.