"Чикаго Блэкхоукс" пен "Миннесота Уайлд" командалары Ұлттық хоккей лигасы аясында өткен матчта екі рет төбелесіп алды, деп хабарлайды Prosports.kz.
Бірінші кезеңнің ортасында Чикаго қорғаушысы Райли Стиллман мен Миннесота шабуылшысы Брэндон Дюхайм жаға ұстасты. Бұл қақтығыста Стиллман басымдық танытты.
Олармен қатар Чикаго шабуылшысы Маккензи Энтвистл мен Миннесота шабуылшысы Коннор Дьюар да өзара мәселені анықтап алуды жөн деп тапты. Бұл ретте жеңіс Миннесота хоккейшісінің еншісіне тиесілі болды.
Осылайша төртеуі де бес минутқа мұз айдыннан кетті, ал Энтвистлге тағы 10 минуттық тәртіптік айыппұл салынды.
Матч Миннесота пайдасына 5:1 есебімен аяқталды.
