Әділ Ғалиахметов сегізінші орын өзі үшін жоғары нәтиже екенін атап өтті.
Финалға шыққаныма өте қуаныштымын, өйткені бұл менің мансабымдағы алғашқы Олимпиада және бірден финалға шықтым. Олимпиададан кейінгі келесі жарыстарда үнемі жоғары нәтиже көрсетемін деп ойлаймын. Мен үшін бұл үлкен жетістік, өйткені осы маусымда әлем Кубогының финалында өнер көрсеттім, енді Олимпиаданың ақтық сынында бағымды сынауға мүмкіндік алдым. Әділ Ғалиахметов
Қазақстандықтың барлық қарсыластары - шорт-тректің жарық жұлдыздары.
Барлық қарсыластарым атақты, Семен Елистратов - менің кумирімнің бірі әрі мен мансабымды енді ғана бастап жатырмын, осындай адамдармен жарысқа түсіп, жаттығамын деп еш ойламадым. Барлық қарсыластарым атақты әрі өте тәжірибелі. Бұл Олимпиадада біз финалға өту бойынша жақсы тәжірибе жинақтадық, бұл менің ғана емес, жаттықтырушыларымның да еңбегі. Жаттықтырушылар штабына және докторларға, психологтарға үлкен рахмет айтамын. Әділ Ғалиахметов