Дмитрий Попко Түркия өкілі Алтуг Челикбилекпен бірлесе Малагадағы "Челленджер" сериясындағы турнирде жұптық сынның финалында Даниэль Чукерман (Израиль) мен Эмилио Гоместі (Эквадор) ұтып кетті. Финалдық жекпе-жек үш сетке созылып, Попко/Челикбелик жұбының жеңісімен аяқталды - 6:7, 6:4, 10:6.
Бұған дейін жартылай финалда қазақ-түрік тандемі Корне (Румыния) мен Кадхе (Үндістан) дуэтін әупірімдеп жүріп жеңген еді: 6:7, 6:3, 10:8.