Чехия құрамасымен кездесуі кезінде Криштиану Роналду мұрнын бұзып алды, деп хабарлайды Sports.ru.
Бірінші таймның 20-сыншы минутында 37 жастағы шабуылдаушы қақпашы Томаш Вацликпен соқтығысып, мұрнын бұзды.
Роналдудың мұрнынан қан кетті. Ұлттық құраманың дәрігерлері бірден көмекке жетіп, қанды тоқтатты, футболшының мұрнына жапсырма (пластырь) жабыстырды.
Бұдан кейін Роналду ойынды ары қарай жалғастырды, ал біраз уақыттан кейін ақ халаттылар жапсырманы мүлде алып тастады.