WBO тұжырымы бойынша орта салмақтағы әлем чемпионы қазақстандық Жәнібек Әлімханұлы (13-0, 8 КО) 13 қараша күні Лас-Вегаста британдық Дензел Бентлимен (17-2-1, 14 КО) жекпе-жек өткізіп, чемпиондық атағын бірінші рет қорғады, деп хабарлайды Sports.kz.
Жекпе-жек бірауыздан шыққан үкіммен Әлімханұлының жеңісімен аяқталды.
Жекпе-жектен кейін Невада штатының атлетикалық комиссиясы боксшыларға шектеу қойды.
Әлімханұлына 2022 жылдың 13 желтоқсанына дейін жекпе-жекке шығуға ресми түрде тыйым салынды, ал Бентли 28 желтоқсанға дейін рингке шыға алмайды. Бұл шара медициналық сипатқа ие және жауынгерлердің дұрыс қалпына келуіне қызмет етеді.
Бентлимен қарсыласу Жәнібек үшін ерікті сипатта болған бірінші титулды қорғау болды.
