Қазақстандық кәсіпқой боксшы Айдос Ербосынұлы кубалық, WBA Regular нұсқасы бойынша әлем чемпионы Дэвид Моррелге қарсы жекпе-жегінде нокаутпен ұтылып, АҚШ-тан отанына оралды, деп хабарлайды Zakon.kz.
6 қарашада жекпе-жектен кейін Ербосынұлы жарақатымен Миннеаполистегі (АҚШ) емханаға жеткізіліп, оған ота жасалды. Үш апта бойы ол америкалық дәрігерлердің қатаң бақылауында болды.
Операциядан кейін оған туыстары ұшып барды. Спортшыға танымал тұлғалар, оның ішінде мемлекет басшысы Қасым-Жомарт Тоқаевқа қолдау білдірді.
Сурет: Instagram/mmmirass
Боксшы 5 желтоқсанда туған елге келді, оны әуежайдан туыстары мен достары қарсы алды. Боксшы Instagram парақшасында бірнеше фото және видео жариялады.