Бір күннен бері әлемдік баспасөз Криштиану Роналдудың және Португалия құрамасының бас бапкері Фернанду Сантуш арасындағы жанжал туралы жарыса жазып жатыр.
Футболшы Швейцарияға қарсы 1/8 финалда негізгі құрамға түспеген соң 2022 жылғы әлем чемпионатынан кеткісі келетінін мәлімдеді.
8 желтоқсанда Португалия футбол федерациясы бұл жағдайға қатысты мәлімдеме жасады, ал біраз уақыттан кейін Криштиану бұл мәселеге нүкте қойды.
"Португалия бұрынғыдан да біріге түседі, арамызға от салуға тырыспаңыздар. Португалдар - кез келген жаудың жүрегін шайып тастайтын өте батыл халық. Біз сөздің шын мәнінде арман үшін соңына дейін күресетін командамыз! Бізбен бірге сеніңіз! Алға, Португалия!", - деп жазды футболшы Twitter-де.
2022 жылғы әлем чемпионатының ширек финалында Португалия мундиальда сенсация жасаған Марокко құрамасымен ойнайды. Матч 10 желтоқсанда, Астана уақыты бойынша сағат 21:00-де басталады.