"Қазақстанда үстел теннисінің жанкүйерлері өзіңді мақтан тұтады. Осы жетістіктеріңмен шектелмей, беделді әлемдік турнирлерде ең жоғары жүлделерге ие болу үшін спорттағы шеберлігіңді шыңдай түсуіңе тілектеспін. Бұл міндет сенің қолыңнан келеді! Талмай еңбек ет, күрес және жеңістерге жете бер!" – деп жазылған Мемлекет басшысының жеделхатында.
Тунисте үстел теннисінен жастар арасындағы әлем чемпионаты аяқталды, ол Қазақстан үшін осы уақытқа дейінгі ең табысты жарыс ретінде тарихта қалады. 15 жасар қарағандылық Алан Құрманғалиев аралас санатта алтынды жеңіп алған соң, жекелей сында қола жүлдеге қол жеткізді.