Вадим Куралес жарыс жолына 16-ыншы болып шығып, нысана көздеуден бір ғана рет (0+1+0+0) мүлт кетіп, 42:37.4 минут нәтиже көрсетті.
Норвегиялық биатлоншы Эрьян Мосенг қазақстандықтан 42,6 секундқа қалып қойып, екінші орынға алды. Франциялық Аксель Гарнье (+1:16.5) үздік үштікті түйіндеді. Бұл туралы prosports.kz хабарлады.
Сонымен бірге Қазақстаннан Александр Мухин, Кирилл Бауэр және Бекентай Тұрлыбеков осы қашықтықта сынға түскен, бірақ олар жүлдеге іліге алмады.
Осылайша, Қазақстан қоржынына алғашқы жүлде – алтын медаль түсті.
