Валентина Хальзова (75 келі) жартылай финалда Кейтлин Паркермен (Австралия) қолғап түйістірді. Хальзова барын салып жұдырықтасқанымен, қоржынын кезекті қола жүлдемен толықтырды.
Қазақстан құрамасының ауыр салмақтағы (81 келі) боксшысы Фариза Шолтай аса тартысты өткен жекпе-жекте қытайлық Ван Линге есе жіберді.
Еске салайық, бұған дейін Алуа Балқыбекова мен Надежда Рябец Нью-Делиде өтіп жатқан бокстан әлем чемпионатының қола жүлдегері атанды. Ал қазақстандық боксшылар арасында финалға бірінші болып Карина Ибрагимова шықты.
