Алтыннан үмітті қос балуанымыз қарсыластарынан бірдей жеңіліп қалды. Алдымен боз кілемде Ризабек Айтмұхан (92 кг) жапон балуаны Араш Йошидамен белдесіп, оны жеңе алмады. Одан кейін ауыр салмақтағы Жүсіп Батырмұрзаев (125 келі) моңғол спортшысы Лхавагерел Мунхтурдан жеңіліп қалды.
Бұған дейін Қазақстанның ерлер құрамасының қоржынына төрт спортшы алтын медаль салған болатын: Санжар Досжанов, Болат Сақаев, Дархан Есенғали және Азамат Дәулетбеков.
Қазақстан балуандары биылғы Азия чемпионатында 20 медаль жеңіп алды.
