63,5 келіге дейінгі салмақ дәрежесінде 1/32 финал кезеңінде Төлтаев Израиль боксшысы Ахмад Штивимен кездесіп, ұпай бойынша жеңіске жетті, деп хабарлайды Sports.kz.
Осылайша, Санатәлі Төлтаев әлем чемпионатының 1/16 финалына жолдама алып, жаттықтырушылардың үмітін ақтады. Оның қарсыласына келетін болсақ, Ахмад Штиви кәсіби рингте өнер көрсетеді, ол "таза" рекордқа ие спортшы - 8-0, 6 КО.
Айта кетсек, бүгін Қазақстан құрамасы сапынан тағы бір боксшы өнер көрсеткен болатын. Сағындық Тоғамбай (86 кг) Конго өкілі Натан Нланду Мбелиді үш рет нокдаунға жіберді.