Жартылай финалға шығу үшін Қазақстан ерлер құрамасының көшбасшысы итальяндық теннисші Янник Синнермен кездесті. Бірінші партияда Бублик 7:5 есебімен жеңіске жетті. Екінші сетте де 2:0 есебімен отандасымыз алға суырылып шықты, ал итальяндық алған жарақатына байланысты жарысты жалғастырудан бас тартты.
Матч барысында әлемнің 48-ші ракеткасы Бублик алты эйс жасап, екі қателікке жол берді және үш брейк-пойнттың үшеуін де жүзеге асырды. Әлемінің тоғызыншы ракеткасында Синнерде екі эйс, сәтті жүзеге асырыған бір брейк-пойнты бар.
Бублик соңғы рет 2023 жылдың ақпанында ATP турнирінің жартылай финалына шыққан болатын. Марсельде болған турнирдің финалына шығу үшін ол Хуберт Хуркачпен ойнап, оны жеңе алмады.
Галледе өтіп жатқан турнирдің жартылай финалында Бублик Александр Зверев (Германия) пен Николас Харри (Чили) матчының жеңімпазымен ойнайтын болады.
Бұған дейін Александр Бублик әлемнің 21-ші ракеткасы - неміс теннисшісі Ян-Леннард Штруффты жеңген болатын.
