Михаил Кукушкин алғашқы айналымда италиялық теннисші Маттиа Беллуччимен кездесіп, екі сетте 6:4, 7:6 есебімен жеңіске жетті. Енді Кукушкин іріктеу кезеңінің келесі айналымында франциялық теннисші Энцо Куакомен ойнайды. Матч ертең, 24 тамызда Астана уақытымен 21:00-де өтеді.
Ал Тимофей Скатов жапониялық Каичи Учиданы 6:2, 6:2 есебімен оңай жеңді. Скатов енді италиялық теннисші Рауль Бранкаччомен кездеседі.
АҚШ ашық чемпионатының іріктеу кезеңі 22-27 тамыз аралығында өтеді. Іріктеу кезеңінің бірінші айналымында жеңіске жеткен теннисшілерге 22 мың АҚШ доллары, екіншісінде ұтқандарға 34,5 мың, ал финалды еңсергендерге 45 мың АҚШ доллары беріледі.