Шетелдік БАҚ қазақстандық жартылай қорғаушының соққан добын біліктілік турниріндегі ең әдемі гол деп таныды, деп хабарлайды Sports.kz.
"Ойын алаңында супер жұлдыздардың жоқтығына қарамастан, Қазақстан құрамасы соққан голдар қазіргі біліктілік кезеңінде ерекше көзге түсуде. Асхат Тағыбергеннің зеңбіректен атқандай ытқып, даниялықтардың қақпасына дөп түскен голын біліктілік кезеңінің өң бойындағы ең әдемісі деп санауға болады", деп жазады басылым.
Айта кетсек, наурыз айында Қазақстан құрамасы "Астана Аренада" Данияны 3:2 есебімен жеңген болатын.