Ойынның 8-ші минутында есепті ҚПЛ чемпионатының үздік бомбардирі, "Қайраттың" шабуылшысы Жуан Паулу ашты. Алайда, 29-шы минутта "Зенит" есепті 1:1 есебімен теңестірді. Голдың авторы - Александр Ерохин.
Ойынның екінші жартысында "Зенит" барлық жетекші бразилиялық легионерлерді алаңға шығарып, шабуылды күшейтуді мақсат етті.
70-ші минутта "Қайрат" тағы да алға шықты, голдың авторы - Офри Арад.
Ал 85-ші минутта Густаво Мантуан "Зенитке" тағы бір мүмкіндік сыйлап, "Қайратты" қуып жетті, есеп 2:2.
Ойынның үздік ойыншылары ретінде "Зениттен" Александр Ерохин, "Қайраттан" Жуан Паулу танылды.
Айта кетсек, "Қайраттың" экс-мүшесі Нұралы Әліп Данияға қарсы матчта ҚР құрамасы сапында өнер көрсететін болғандықтан, бұл ойынға қатысқан жоқ.
"Зенит" – Петерборлық ресейлік футбол клубы. 1984 жылғы КСРО чемпионы, Ресейдің тоғыз дүркін чемпионы, 1944 жылғы КСРО кубогының иегері, Ресей Суперкубогының сегіз дүркін иегері, 2003 жылғы Премьер лига кубогының жеңімпазы, 2007/2008 жылдарғы УЕФА кубогының иегері, 2008 жылғы УЕФА Суперкубогының иегері.