Елена Рыбакина Аделаидадағы турнирдің ширек финалында жеңіліп қалды

Аделаидада (Аустралия) WTA 500 санатындағы турнир өтіп жатыр. Қазақстандық теннисші Елена Рыбакина (3 WTA) жекелей сында 1/4 финалдық кездесуін өткізді, деп хабарлайды Zakon.kz.

Елена Рыбакина ресейлік Екатерина Александровадан (21 WTA) 3:6, 3:6 есебімен жеңіліп қалды.

Елена Рыбакина Аделаидадағы жарыстың бірінші ракетка болып өнер көрсетті. Ол турнирді екінші айналымнан бастады, 1/8 финалда Испания өкілі Кристина Бучаны (61 WTA) жеңді.