Кенияның Nation басылымының хабарлауынша, Киптум Toyota Premio көлігін басқарған, оның ішінде де екі жолаушы болған. Спортшы тізгінге ие бола алмай, көлік жолдан шығып кетіп, үлкен ағашқа соғылды.
Қайғылы оқиға салдарынан Киптум мен оның жаттықтырушысы Жерве Хакизимана оқиға орнында көз жұмды. Шэрон Косги есімді жолаушы ауыр жарақат алды.
Киптум 2023 жылы 23 сәуірде Лондон марафонында жеңіске жеткенде жеңіл атлетиканың супер жұлдызына айналды. Ал 8 қазанда ол Чикаго марафонында классикалық қашықтықты екі сағат 35 секундта бағындырып, әлемдік рекордты жаңартты. Рекордты өткен аптада Халықаралық жеңіл атлетика федерациясы ресми түрде растады.
Бес күн бұрын Киптум және оның командасы Роттердам марафонында екі айдың ішінде 42 км, 195 метр жолды екі сағаттан аз уақыт ішінде өтуді жоспарлап отырғандарын хабарлады.