Футболдан Ұлттар лигасы плей-офф сатысындағы Қазақстан және Грекия құрамаларының кездесуі қай арнадан көрсетілетіні белгілі болды.
2024 жылғы Еуропа Чемпионатының жолдамасы үшін екі құрама 21 наурызда өзара бақ сынайды. Шешуші ойынды 21 наурыздан 22-не қараған түні сағат 00:35-те "Qazaqstan" және "Qazsport" телеарналарынан тікелей эфирден көруге болады.
Қазір ұлттық құрама Біріккен Араб Әмірлігінің Дубай қаласында оқу-жаттығу жиынын өткізіп жатыр.
Оқу-жаттығу жиыны аясында отандық футболшылар жолдастық кездесуде Түркіменстан командасын 2:0 есебімен жеңді.
Кейіннен оқу-жаттығу жиынына Бақтияр Зайнутдинов пен Абат Айымбетов келіп қосылды.
