Ұлттық Олимпиада комиетінің хабарлауынша, 66 келіде белдескен Жанарыс Рахметқали финалда британдық Майкл Фраерді қосымша уақытта жеңді.
Осылайша, Рахметқали өз мансабында алғаш рет Гран- при алтынын иеленді.
Бұған дейін финалда 60 келі салмақта отандық балуан Шерзод Давлатов әзербайжандық Ахмад Юсифовты мерзімінен бұрын жеңіп, алтын медаль еншілеген болатын. Сондай-ақ 48 келі салмақта сынға түскен Ғалия Тынбаева финалда жапондық Вакана Когаға жол беріп, күміс медаль иеленген еді.