Қазақстандық әйелдер құрамасының көшбасшысы бірде-бір партияда жеңілмей, қорытынды есепте 7,5 ұпай жинады. Асаубаева жарыстың соңғы күнінде армениялық Анна Саркисянды жеңді, сонымен қатар Цзюй Вэньцзюньмен (Қытай) және Турмунхийн Мунхзулмен (Моңғолия) тең түсті.
Осылайша, Бибісара америкалық рапид турнирін сегізінші орында аяқтады. Ал әлем чемпионы үндістандық Хампи Конеру (8,5 ұпай) атанды. Цзюй Вэньцзюнь күміс, ресейлік Катерина Лагно қола жүлдені иеленді.
Әйелдер құрамасының қалған өкілдері 2024 жылғы рапидтен әлем чемпионатын келесі орындарда аяқтады:
- Меруерт Камалиденова (16);
- Әмина Қайырбекова (34);
- Алуа Нұрман (72);
- Әсел Серікбай (80);
- Ксения Балабаева (83);
- Лия Құрманғалиева (84);
- Эльназ Қалиахмет (86);
- Зарина Нұрғалиева (87);
- Аяулым Қалдарова (98);
- Зейнеп Сұлтанбек (101).
Ал ерлер арасында жеңіс тұғырына тегіс ресейлік гроссмейстерлер шықты. Алтын жүлдені 18 жастағы Володар Мурзин жеңіп алса, одан кейінгі орындарды Александр Грищук пен Ян Непомнящий иеленді.
Қазақстандықтарға келсек, олар мұнда елеулі нәтижеге жете алмады:
- Ринат Жұмабаев (62-орын);
- Алдияр Аңсат (69);
- Арыстан Исанжолов (87);
- Қазыбек Нөгербек (109);
- Арыстанбек Оразаев (118);
- Әлішер Сүлейменов (129);
- Марк Смирнов (133);
- Эдгар Мамедов (143);
- Рамазан Жалмаханов (171).