Қазақстандық теннисші бірінші айналымда турнирді ұйымдастырушылардан wild card алған аустралиялық Николас Бейкерді 6:2, 3:6, 6:3 есебімен ұтты.
Бір қызығы, Заңғар өз мансабында аустралиялық теннисшілерден жеңіліп көрмеген. 2023 жылы жасөспірімдер арасындағы Дэвис кубогы іріктеуінде Нұрланұлы Макфадзенді 5:7, 6:3, 6:1 есебімен ұтты. 2024 жылы жасөспірімдер арасындағы Дэвис кубогының іріктеуінде ол аты аңызға айналған Лейтон Хьюитттің ұлы – Крузды 6:1, 6:0 есебімен ұтты.
Қазақстандық екінші айналымда ITF Juniors рейтингінде 21-орында тұрған болгариялық Александр Васильевпен кездеседі.
Еске салайық, бұған дейін Қазақстанның бірінші, әлемнің жетінші ракеткасы Елена Рыбакина Australian Open турнирінің төртінші айналымына шыққанын жазған едік.
Ол үшінші айналымда украиналық теннисші, әлемнің 33-ракеткасы Даяна Ястремскаямен кездесіп, қарсыласын 6:3, 6:4 есебімен жеңді.