Жартылай финалдағы матч үш сет бойын өтті. Есеп: 6:3, 3:6, 4:6. Матч Бенчичтің пайдасына шешілді. Кездесу 2 сағат 6 минутқа созылды.
Тартысты бәсеке барысында Рыбакина 6 эйспен бірге 6 брейк-пойнттың тең жартысын мүлт жібермеді. Бенчич 2 эйс, 4 брейкпен (13 брейк-пойнт) көзге түсті.
Осылайша, Рыбакина өткен жылғы чемпиондық атағын қорғай алмады, рейтингтегі ұпайын да жоғалтты.
Енді Белинда Бенчич финалда әлемнің 51-ракеткасы, 20 жастағы америкалық Эшлин Крюгермен бас жүлдені сарапқа салады.