Жаңартылған турнирде бұрынғыдай алты футбол конфедерациясынан клубтар қатысады, бірақ қатысушылар саны 32-ге дейін артты. Командалар сегіз топқа бөлінген – әрқайсысында төртеуден. Екі үздік ұжым 1/8 финалға жолдама алады.
Сурет: Instagram/fifaclubworldcup
КӘЧ-2025 турниріне қатысушылар құрамы:
- УЕФА – "Реал", "Атлетико", "Челси", "Манчестер Сити", "Бавария", "Боруссия-Д", "Ювентус", "Интер", ПСЖ, "Порту", "Бенфика" және "РБ Зальцбург".
- КОНМЕБОЛ – "Палмейрас", "Фламенго", "Флуминенсе", "Ботафого" (бәрі Бразилия), "Ривер Плейт" және "Бока Хуниорс" (екеуі де Аргентина).
- КОНКАКАФ – "Монтеррей" және "Пачука" (екеуі де Мексика), "Сиэтл Саундерс" (АҚШ), "Лос-Анджелес" (АҚШ) және "Интер Майами" (бәрі АҚШ).
- КАФ – "Аль-Ахли" (Мысыр), "Видад" (Марокко), "Эсперанс" (Тунис) және "Мамелоди Сандаунс" (ОАР).
- АФК – "Урава Ред Даймондс" (Жапония), "Ульсан" (Оңтүстік Корея), "Аль-Айн" (БАӘ), "Аль-Хиляль" (Сауд Арабиясы).
- ОФК – "Окленд Сити" (Жаңа Зеландия).
FIFA бұл турнирге арналған қаржылай сыйақыларды қарастырды, жалпы жүлде қоры 1 миллиард долларды құрайды. Командалар КӘЧ-2025 турниріне қатысқаны үшін де ақша алады.
Мысалы, Еуропа өкілдеріне 12,81-ден 38,19 млн-ға дейін бөлінеді, Оңтүстік Америка – 15,21 млн, Солтүстік және Орталық Америка, Азия, Африка – әрқайсысы 9,55 млн, ал Мұхиттық аймақ – 3,58 млн.
Сурет: Instagram/fifaclubworldcup
Көрсеткен нәтижелерге байланысты жеке жүлделер де бар. Топтық кезеңдегі жеңіс 2 млн-ға бағаланады, ал тең ойын үшін – 1 млн.
Одан әрі сомалар өседі: 1/8 финал – 7,5 млн, ширек финал – 13,125 млн, жартылай финал – 21 млн, финал – 30 млн, жеңімпаз – 40 млн.
Жеңімпаз команда жалпы 125–155 миллион долларға дейін табыс таба алады деп есептеліп отыр. Бұл команданың және ол қай конфедерациядан екеніне байланысты болады.
Бұған дейін Валерий Рахымжанның нысана көздеуден Германиядағы Әлем кубогының кезеңінде күміс медаль жеңіп алғандығы хабарланған болатын.