Бұл туралы 2025 жылы 3 қыркүйекте ҚР Ғылым және жоғары білім министрлігінің баспасөз қызметі хабарлады:
"Универсиадаға Түркі мемлекеттері ұйымына мүше елдердің (Қазақстан Республикасы, Әзербайжан Республикасы, Қырғыз Республикасы, Түркия Республикасы, Өзбекстан Республикасы) студент-спортшылары қатысады. Жарыс волейбол, футзал, үстел теннисі, шахмат, дзюдо, еркін күрес және грек-рим күресі сияқты 7 спорт түрі бойынша өтеді. Универсиаданың салтанатты ашылу рәсімі 4 қыркүйекте сағат 18:00-де, жабылу рәсімі 8 қыркүйекте сағат 18:00-де өтеді. Қазақстан атынан 15 жоғары оқу орнынан 66 спортшы 7 спорт түрі бойынша ел намысын қорғайды".
Айта кету керек, II Түркі универсиадасы да осы 7 спорт түрі бойынша 2023 жылғы 5-10 қараша аралығында Түркістан қаласында өткізілген. II Түркі универсиадасына Түркі мемлекеттері ұйымына мүше 5 елден 445 делегат қатысты.
ҚР Ғылым және жоғары білім министрлігі студенттердің республикалық және халықаралық деңгейдегі спорттық іс-шараларға белсенді қатысуына ықпал етуді жалғастырып келеді.
Бұған дейін ҚФФ президенті Уэльске қарсы ойын алдында ұлттық құрама мүшелерімен кездескенін жазғанбыз.