Бірінші айналымда қазақстандық спортшы әлемдік рейтингте 80-орында тұрған германиялық Ян-Леннард Штруффпен кездесті. Ол жарысқа "lucky loser" мәртебесімен өткен. Матч 1 сағат 6 минутқа созылып, Бублик екі сеттегі жеңіске жетті – 6:3, 6:4.
Келесі кезеңде Бублик финляндиялық Отто Виртанен (ATP рейтингінде 131-орын) мен нидерландтық Таллон Грикспур (25-орын) арасындағы кездесудің жеңімпазымен ойнайды.
Дубайдағы ATP 500 турнирінің жалпы жүлде қоры – 3 311 005 АҚШ доллары. Жарыс жеңімпазы 619 160 доллар сыйақы мен ATP рейтингінің 500 ұпайына ие болады.