21 жастағы үндістандық Харнааз Сандху "Ғалам аруы — 2021" сұлулық байқауының жеңімпазы атанды, деп хабарлайды Zakon.kz.
Халықаралық байқаудың ұйымдастырушылары Twitter желісіндегі ресми парақшасында "Ғалам аруы — 2021" атағы Үндістан өкіліне бұйырғанын хабарлады.
Байқаудың финалы Израильде өтті. Іс-шараны америкалық жазушы Стив Харви жүргізді.
Харнааз Сандхуға тәжді бұрынғы жеңімпаз мексикалық Андреа Меса табыстады. Екінші орын ОАР атынан сынға түскен аруға, үшінші орын Парагвай өкіліне бұйырды.
Биыл "Ғалам аруы" сұлулық байқауына әлемнің 80 елінен 80 бойжеткен қатысқан. Финал тікелей эфирден 170-тен астам мемлекетте көрсетілді.